2017-жылдын 11 айында Кыргыз өлкөсү менен Өзбекстандын ортосунда 200 миллион долларга келишим түзүлдү. Бул тууралуу бүгүн, 5-декабрда маалымат жыйынында Өзбекстандын Кыргыз өлкөсүндөгү элчиси Комил Рашидов билдирди.
Анын айтымында, акыркы жылдарда эки өлкөнүн ортосундагы мамиле жакшыланды. Акыркы 11 айда эки өлкөнүн ортосунда бир топ чоң саясий, экономикалык жана маданий иш-чаралар өткөрүлдү.
"Муну менен өтүп кеткен убакытта 2 өлкөнүн президенттеринин эки мамлекеттик иш сапары орун алды. Андан тышкары октябрь айында Бишкек жана Ош шаарларында Кыргыз өлкөсүндөгү Өзбекстандын маданият жана кино күнү өткөрүлдү. Эки мамлекеттик иш сапардын жыйынтыгында Кыргыз өлкөсү менен Өзбекстан стратегиялык өнөктөштүн деңгээлине чыкты. Саясий, чек ара, соода-экономикалык, транспорт жана коммуникациялар, суу жана энергетика чөйрөлөрүндө 30дан ашуун келишимдер түзүлдү. Экспорт жана импорт боюнча 200 миллион доллардан жогору суммадагы келишимдер түзүлдү. Ошондой эле чек ара маселеси боюнча эки өлкөнүн кызматташтыгы өнүгүүдө", - дейт Рашидов.
