Европа Биримдиги Өзбекстанга Дүйнөлүк Соода Уюмуна кирүү үчүн жардам ирээтинде 5 млн. евро бөлүп берди.
Европа Биримдигинин чечими анын делегация башчысы Эдуардc Стрипрайс жана делегациянын техникалык кызматташтык бөлүмүнүн жетекчиси Франсуа Бежо менен Өзбекстанда болгон жолугушууда билдирилди.
Бул долбоор Эл аралык соода борбору (ЭСБ), Бириккен Улуттар Уюмунун соода жана өнүктүрүү конференциясы жана Дүйнөлүк Соода Уюму тарабынан ишке ашырылат.
Европа Биримдигинин жол-жоболорун эске алуу менен бирге, ЕБнын делегациясы ЭСБнын жакынкы убакытта долбоордун практикалык ишке ашыруусун баштай тургандыгын ырастады.
Немец экономикасынын чыгыш комитети президиумунун мүчөсү Клаус Мангольд Өзбекстан 2019-жылы ДСУга кирет деген үмүтүн билдирди деп жазган Ране Spot. Бул долбоордун бир топ чет элдик ишканалардын мүмкүнчүлүгүн жакшыртаары күтүлүүдө.
