18.05.21
Өзбекстандын премьер-министри Абдулла Арипов жана Тажикстандын өкмөт башчысы Кохир Расулзоданын жетекчилиги астында Ташкент шаарында, эки өлкөнүн соода-экономикалык өнөктөштүгү боюнча өкмөттөр аралык комиссиянын жыйыны болуп өттү.
Сүйлөшүүлөрдүн жүрүшүндө, жакынкы бир нече жылдын ичинде товар жүгүртүүнүн көлөмүн 1 миллиард долларга жеткирүү жана сооданы өнүктүрүүнүн потенциалдуу мүмкүнчүлүктөрүн талкуулашты. Бул тууралуу, Өзбекстандын Инвестициялар жана тышкы соода министрлигинин басма сөз кызматы билдирди.
Жолугушуу учурунда, өнөр жай, тоо-кен өндүрүшү, электротехника, энергетика жана транспорт тармактарындагы кызматташтыкты чыңдоо, ошондой эле аймактар аралык байланыштарды илгерилетүү боюнча биргелешкен чечимдер талкууланды.
Тараптар Өзбекстандын президенти Шавкат Мирзиёевдин 2021-жылы Тажикстанга боло турган расмий иш сапарынын уюштуруу жана эки өлкө ортосундагы көп кырдуу өнөктөштүктү мындан ары өркүндөтүү боюнча маселелерди дагы карап чыгышты.
Эки өлкөнүн өкмөт башчылары, айыл чарба инженериясы, автомобиль жана темир жол инфраструктурасын жакшыртууга багытталган инвестициялык долбоорлорду биргелешип ишке ашырууну макулдашышты.
Жолугушуунун жыйынтыгында, жетишилген келишимдер жана көп тараптуу кызматташуунун негизги багыттарын аныктаган келишимдерге кол коюшту.
