04.11.23
Түркмөнстандын, Өзбекстандын, Ирандын жана Түркиянын транспорт тармагына тиешелүү министрликтери “Өзбекстан – Түркмөнстан – Иран – Туркия” каттамы аркылуу, Азия менен Европаны бириктире турган эл аралык мультимодалдык коридорду түзүү боюнча, тиешелүү документке кол коюшту.
Өзбекстандын Транспорт министрлигинин басма сөз кызматы билдиргендей, документ жума күнү Ташкентте Экономикалык кызматташтык уюмуна мүчө мамлекеттердин транспорт министрлеринин 12-жыйынынын алкагында кабыл алынды.
Билдирүүгө ылайык, кол коюлган протокол төмөнкүлөрдү карайт: Азия-Тынч океан аймагында жайгашкан өлкөлөрдөн Өзбекстан, Түркмөнстан, Иран жана Түркиянын аймактары аркылуу, Европа биримдигинин өлкөлөрүнө товар ташууларды уюштуруу; атаандаштык тарифтик ставкаларды колдонуу жана Өзбекстандын, Түркмөнстандын, Ирандын жана Түркиянын темир жолдору менен жүктөрдү ташуу үчүн ыңгайлуу шарттарды түзүү; маршрут боюнча жүк ташууну уюштурууда ченемдик-техникалык стандарттарды унификациялоо боюнча чараларды биргелешип иштеп чыгуу; каттамга катышкан өлкөлөрдүн транспорттук байланышын жогорулатуу.
Үстүбүздөгү жылдын октябрь айында Түркмөнстандын, Казакстандын, Өзбекстандын, Ирандын жана Түркиянын транспорт жана темир жол министрликтеринин өкүлдөрү видеоконференцияга катышып, анда Түркмөнстандын транспорт жана темир жол тармагын түзүү боюнча келишимге кол коюу процесстерин тездетүүгө байланышкан негизги маселелерди талкуулашкан.
