17.04.21

Тажикстандын Транспорт министри Азим Иброхим Кытайдын “Hunan Road & Bridge Construction Group Company Limited” компаниясынын ыйгарым укуктуу өкүлү Луи Фей мырза менен “Обигарм – Нуробод” унаа жолунун биринчи этабын куруу боюнча келишимге кол коюшту.

13.04.21

Тажикстандын Өнөр жай жана жаңы технологиялар министри Шерали Кабировдун айтымында, Тажикстан Орто Азияда эң бай жаратылыш ресурстары бар өлкө болуп саналат. Бул тууралуу ал  “Народная газета” газетасына интервю берип жатып билдирди. 

24.03.21

Ташкент шаарынын Туризмди өнүктүрүү департаментинин директору Санжар Таджиев 24-март күнү, Душанбе шаарында Тажикстандын туризм тармагынын өкүлдөрү менен жолугушту. Бул тууралуу “uzdaily.uz” интернет сайты жазып чыкты.

15.03.21

Тажикстан жана Казакстандын тиешелүү органдарынын биргелешкен жумушчу тобунун отуруму болуп, эки өлкөнүн ортосундагы соода жүгүртүүнү көбөйтүү жана товарлардын түрлөрүн өз ара көбөйтүү боюнча сүйлөшүүлөрдү жүргүзүштү. Бул тууралуу,  “Авеста” маалымат  агенттиги билдирди.

6.03.2021

Тажикстандын түштүгүндө жайгашкан Хатлон облусуна караштуу Джайхун районунда, жаңы агроөнөр жай комплекси ачылды. Бул тууралуу,  Тажикстандын Экономикалык өнүгүү жана соода министрлигинин басма сөз кызматы билдирди.

16.02.21

Учурда Тажикстандын аймагында, Өзбекстандын капиталы менен курулган 51 ишкана катталган. Бул тууралуу, Тажикстандын Инвестициялар жана мамлекеттик мүлктү башкаруу боюнча мамлекеттик комитетинин төрагасы Сади Кодирзода 16-февраль күнү, өткөн маалымат жыйынында билдирди.

09.02.21

Тажикстандын Хатлон облусуна караштуу Дангара районунда, Борбордук Азияда  эң ири тоок этин өндүрүүчү фабрикасынын курулуш иштери аягына чыгуу алдында турат. Бул тууралуу, Тажикстандын Айыл чарба министрлигинин маалымат кызматы билдирди.

03.02.21

Тажикстанда 28 даана мунай жана газдын кени официалдуу түрдө мамлекет тарабынан каттоого алынды. Бул тууралуу, Тажикстандын “Тажикглавгеология” башкармалыгынын төрөагасы Алимахмуд Ализода, шаршемби күнү болуп өткөн маалымат жыйынында билдирди. Анын айтымында, катталган кендердеги мунайдын запасы 2,2 миллион тонна, ал эми газдын запасы 3,4 миллиард кубометрди түзөт.

04.02.21

Тажикcтан өкмөтү “Түркмөнстан-Афганистан-Тажикстан (ТАТ)” темир жолунун өзүн аймагы аркылуу өткөн бөлүгүн курууга ниеттенүүдө. Долбоорду ишке ашыруу үчүн өлкөгө 128 миллион доллар талап кылынат. Бул тууралуу, Тажикстандын Транспорт министри Азим Иброхим 3-февраль күнү билдирди.

27.01.21

Тажикстан келечекте коңшулаш Афганистанга жогорку чыңалуудагы жаңы электр чубалгыларын куруу менен электр энергиясынын экспортун көбөйтүүнү пландаштырууда. Тажикстандын энергетика тармагынын тараткан маалыматы боюнча, 2021-жылы “Рогун” гидро электро станциясынан (ГЭС) “Сангтуда” көмөкчү чордонуна чейин 500 киловольт кубаттуулуктагы электр  чубалгыларынын курулушу башталат. Мындай кадам, Тажикстандын электр энергиясын экспорттоонун мүмкүнчүлүктөрүн арттырат.