18.04.24
Өзбекстандын президенти Шавкат Мирзиёев Тажикистандын Душанбе шаарында кесиптеши Эмомали Рахмон менен жолугушуп, кызматташтыкты бекемдөө боюнча сүйлөшүүлөрдү өткөрдү. Бул тууралуу, Тажикстандын президентинин басма сөз кызматы билдирди.
Өзбекстандын президенти тажик лидери менен эл аралык жана аймактык масштабдагы өнөктөштүк маселелерин талкуулады. Жолугушуунун жыйынтыгы боюнча маалымат жыйынында, Эмомали Рахмон Өзбекстандын президенти менен эки өлкөнүн кызматташтыгын бекемдеген бир катар документтерге кол койгонун баса белгиледи. Ал Өзбекстан менен Тажикстандын ортосундагы эки тараптуу мамилелерди жаңы деңгээлге көтөргөн, Борбор Азия чөлкөмүндө тынчтыкты жана туруктуулукту чыңдоого салым кошкон альянстык келишимге өзгөчө басым жасады.
Ошондой эле эки өлкөнүн ортосундагы соода-экономикалык мамилелерди өнүктүрүү маселеси талкууланды. Эмомали Рахмон акыркы жети жылда өлкөлөр ортосундагы товар жүгүртүүнүн көлөмү дээрлик 40 эсеге өскөнүн, ошондой эле биргелешкен ишканалардын саны 400 чейин өскөнүн белгиледи. Ал өз ара инвестициянын көлөмү өсүп жатканын кошумчалады.
