15.03.24
Өзбекстандын президенти Шавкат Мирзиёев 15-мартта Казакстандын Премьер-министри Олжас Бектенов баштаган өкмөттүк делегацияны кабыл алды. Жолугушууда эки өлкөнүн көп тармактуу кызматташтыгын мындан ары кеңейтүү маселелери талкууланды.
Атап айтканда, алдыдагы биргелешкен иш-чараларды жогорку деңгээлде өткөрүүгө даярдык көрүү боюнча практикалык өз ара аракеттенүүнүн жаңы күн тартибин түзүүгө өзгөчө көңүл бурулду.
Өз ара соода жүгүртүүнүн көлөмүн, анын ичинде ыйгарым укуктуу министрлер башында турган жумушчу топтун ишмердүүлүгүн жогорулатуу боюнча тоскоолдуктарды жоюу жана макулдашылган чараларды көрүү керектиги баса белгиленди.
Ошондой эле эки мамлекеттин стратегиялык өнөктөштүгүнүн негизги багыттары болгон өнөр жай, транспорт жана логистика тармагындагы кызматташтыкты тереңдетүү маселелери талкууланды.
Транспорт жана энергетика тармагында артыкчылыктуу секторлордо жана аймактык маанидеги инфраструктуралык долбоорлордо инвестициялык программалардын жаңы портфелин жигердүү илгерилетүүнүн максатка ылайыктуулугу белгиленди.
Шавкат Мирзиёев Өзбекстан менен Казакстандын ортосундагы өз ара пайдалуу кызматташтыкты түп-тамырынан бери кеңейтүү үчүн өкмөттүк деңгээлдеги тыгыз жана системалуу байланыштарды сактоонун маанилүүлүгүн белгиледи.
