03.05.24
Өзбекстандын Ташкент шаарында 3-майда эки тараптуу кызматташтыкты өнүктүрүү боюнча “Өзбек-кыргыз” өкмөттөр аралык биргелешкен комиссиянын он биринчи жыйыны өттү.
Жыйынга Өзбекстандын Премьер-министри Абдулла Арипов жана Министрлер Кабинетинин Төрагасы, Кыргыз Республикасынын Президентинин Администрациясынын Жетекчиси Акылбек Жапаров катышты.
Эки өлкөнүн өкмөт башчыларынын төрагалыгы алдында өткөн жыйында акыркы жылдары достук жана жакшы коңшулук мамилелерге негизделген мамлекеттер ортосундагы көп кырдуу кызматташтык жана ар тараптуу стратегиялык өнөктөштүк мамилелер тездик менен өнүгүп жатканы белгиленди.
Мамлекет башчылары өз өкмөттөрүнүн алдына жакынкы бир нече жылда өз ара сооданын көлөмүн 2 миллиард долларга жеткирүү милдетин коюшту.
Жыйында бул милдетти ишке ашыруу үчүн пайдаланыла элек зор потенциал бар экени айтылды, ал үчүн импорттун ордун баса турган экспортко багытталган продукцияны чыгарууда тыгыз кызматташуу, жаңы долбоорлорду биргелешип иштеп чыгууну улантуу жана эки өлкөнүн ортосундагы ишкер чөйрөлөрүнүн байланыштын кеңейтүү зарыл экендиги белгиленди.
