01.18.22
Түркмөнстандын эл аралык транзиттик тариф жана темир жолдору ортосундагы кызматташтык уюмунун бирдиктүү транзиттик тарифи боюнча келишимдерге кошулуусу боюнча жүрүп жаткан иштер 14-январда өлкөнүн өкмөтүнүн жыйынында айтылды.
Келишимдерге кошулуу өлкөгө Кытай жана Европа багыттары боюнча транзиттин бирдиктүү тарифтерин макулдашуу үчүн ыңгайлуу платформаны иштеп чыгууга мүмкүндүк берет.
Министрлер кабинетине караштуу Транспорт жана коммуникациялар агенттигинин башкы директору Мамметхан Чакиев, Кытай-Европа багытында эл аралык транспорт коридорлорун активдештирүү жана жаңы темир жол каттамдарын ачуу, контейнердик ташуулардын көлөмүн жогорулатууну стимулдаштыруу максатында, жагымдуу атаандаштык баа саясатын ишке ашыруу зарыл экендигин билдирди.
“Түркмөнстан темир жолу” агенттиги “ОСЖД” уюмунун толук кандуу мүчөсү болуу менен өлкөнүн транспорттук-логистикалык системасын жакшыртууга, тарифтик маалыматты изилдөөгө жана темир жол транзитинин географиясын кеңейтүүгө жардам бере турган келишимдерге кошулуунун бардык мүмкүнчүлүктөрүн иликтеп чыккан.
Президент Гурбангулы Бердымухамедов Түркмөнстандын ыңгайуу географиялык абалы жана бекем транспорт-транзиттик потенциалга ээ экенин белгилеп, трансконтиненталдык транспорт инфраструктурасынын маанилүү звеносу болгон “Кытай-Казакстан-Түркмөнстан-Иран” темир жолунун эл аралык зор маанисин баса белгилеген болучу.
Мамлекет башчысы эл аралык транзиттик тариф жана бирдиктүү транзиттик тариф боюнча макулдашууларга кошулууга байланыштуу сунуштарды жактырып, бул багыттагы маселелерди дыкат иликтеп чыгууну тапшырды.
