Төрага: Проф. Д-р., Насух Услу

Ал 1966-жылы Измир шаарында  төрөлгөн. 1988-жылы Анкара университетинин саясий илимдер факультетинин эл аралык мамилелер бөлүмүн бүтүргөн. Англиядагы Бирмингем университетинин Социалдык илимдер факультетинин эл аралык мамилелер бөлүмүндө магистратурасын (1990) жана Дарем университетинин Жакынкы Чыгыш изилдөөлөр борборунда докторлук даражасын (1994) аяктаган. 1995-жылы Кырыккале университетинин Экономикалык жана административдик илимдер факультетинин эл аралык байланыштар бөлүмүндө ассистент болуп иштеп баштаган. 2005-жылы март айында доцент, 2010-жылы май айында профессор наамын алган. 2009-2010-жылдары Кырыккале университетинде декандын орун басары, 2010-2011-жылдары Коомдук илимдер институтунун директору, 2011-2014-жылдары Экономикалык жана башкаруу факультетинин деканы болуп иштеген. 2015-жылдын январь айынан 2015-жылдын август айына чейин, Полиция академиясында иштегенден кийин, 2016-жылдын октябрынан 2018-жылдын январь айына чейин, Анкара Коомдук илимдер университетинде саясий илимдер факультетинин деканы болуп эмгектенген.

2018-жылдын июль айынан 2022-жылдын сентябрына чейин Стамбул Сабахаттин Заим университетинде проректор, декандын орун басары жана Эразмус координатору болуп иштеген. Негизги изилдөө тармагы Түркия-Америка мамилелери, Кипр маселеси, Түркиянын тышкы саясаты, Американын тышкы саясаты, Жакынкы Чыгыш жана Борбор Азияны изилдөө болуп эсептелет. Көптөгөн улуттук жана эл аралык журналдарда жарыяланган макалаларынан тышкары Америкада 3 китеби жана Түркияда басылган 5 китеби бар. Көптөгөн макалаларды англисчеден түркчөгө которуудан тышкары, Эл аралык мамилелер тармагындагы 8 негизги китепти түрк тилине которгон.

Төрага орун басары: Доц. Др. Гүлтекин Шимшек

Гүлтекин Шимшек орто билимин Карадениз Эреглинин “TED” колледжинде аяктаган. Бакалавриат билимин 1988-жылы “Докуз Елүл”  университетинин Туризм жана мейманкана иштетүү факультетинде, магистратурасын 1995-жылы “Докуз Елүл” университетинин Социалдык илимдер институтунун Туризм менеджменти бөлүмүн бүтүргөн. “Аднан Мендерес” университетинин Социалдык илимдер институтунун Туризм менеджменти бөлүмүн, 2009-жылы докторантурасын аяктап, доктор наамын алган. 1993-2002-жылдары “Аднан Мендерес” университетинин Туризм жана мейманкана башкаруу факультетинде илимий кызматкер болуп иштеген. 2003-2009-жылдары, Информатика боюнча илимий жана колдонмо ооруканасынын, Информатика бөлүмүнүн башчысы болуп иштеген. 2009-жылдан баштап “Аднан Мендерес” университетинин Туризм факультетинин саякаттарды башкаруу бөлүмүндө окутуучу болуп иштеген. Гүлтекин Шимшек 2013-жылы, Оклахома штатындагы университетте “улуттук парктар үчүн интерактивдүү веб-карта” жана “туризм онтологиясы” боюнча иштеген. 2014-жылы соттук-информатика инженерлиги боюнча магистр даражасын алган Гүлтекин Шимшек прокуратурада эксперт жана аткаруучу болуп иштеген. 2019-жылдын сентябрь айынан тарта, Кыргызстан-Түрк “Манас” университетинин 39 берененин алкагында, саякаттарды башкаруу жана багыттоо бөлүмүн жетектейт. Туризмге негизделген технологиялар, CRS/GDS, семантикалык веб тиркемелер, санариптик жарандык, виртуалдаштыруу, электрондук соода, электрондук бизнес жана программалык камсыздоонун сапаты боюнча иштеген Гүлтекин Шимшек үй-бүлөлүү, эки балалуу жана англис тилин билет.

  Мүчө: Доц. Д-р., Гөкче Йогуртчу

Жалпы орто билимди Измирде окуган. Жогорку билимге Эге университети социология бөлүмүндө ээ болду. 2000-жылдан тарта “Манас” университетинде иштеп баштаган. 2007-жылы “Манас” университети Коммуникация бөлүмүндө “ Кимдик жана бөлөк: демократизация процессинде Кыргызстанда улуттук кимдик мамилелери” аттуу иши менен магистратурасын, 2011-жылы “Үстөмдүк жана каршылык стратегияларынын курулуш мейкиндиги катары медиа: ТВ талкуу программаларында “Диалог этикасы” тарабынан кароо” аттуу диссертациясы менен аспирантурасын аяктаган. 2005-жылдан азыркыга чейин КТМУ коммуникация факультети журналистика бөлүмүдө эмгектенүүдө. Орто Азия изилдөөлөр борборунда Медиа координаторлугу кызматын аркалоодо. Илимий иштеринде коммуникация социологиясы, маданыяттар аралык коммуникация, улуттук кимдик жана жарандык политика тармактарына басым жасоодо. Англисче, орусча жана кыргызча билет. Үй-булөлүү, бир баланын апасы.

  Мүчө: Доц. Д-р., Эркан Эфилти

Ал 1971-жылы Конья шаарында төрөлгөн. Бакалавриат билимин 1994-жылы “Селчук” университетинин Билим берүү факультетинин Билим берүү илимдери, психологиялык кеңеш берүү жана жол көрсөтүү программасы боюнча аяктаган. Ал 1998-жылы магистратураны жана 2006-жылы “SÜ” коомдук илимдер институтунда психологиялык кеңеш берүү жана гиддер боюнча докторлук даражасын аяктаган. 1995-1996-жылдары  “Ван көлү Анадолу” лицейинде психологиялык кеңешчи болуп иштеген. 1997-жылы “Селчук” университетинин билим берүү факультетинин психологиялык кеңеш берүү жана жетекчилик программасында илимий кызматкер болуп иштей баштаган. 2011-жылы “Нежметтин Эрбакан” университетинин билим берүү факультетинен доцент болуп дайындалды. 2019-жылы доценттик наамын алып, ошол эле университетте ишин улантууда. 2014-жылы Вена, Австрия, Эл аралык Социалдык жана экономикалык илимдер институту, 2015-жылы Лондон университетинин “ICBTS” институтунун конференция борбору жана “IJBTS” бизнес туризм жана эл аралык прикладдык илимдер журналы, 2016-жылы Германиянын Мюнхен шаарындагы “ICBTS” Эл аралык академиялык изилдөө институту, 2017-жылы “ICBTS” институту “Conference Center” жана “IJBTS” бизнес-туризм жана эл аралык прикладдык илимдер журналы 2018-жылы Римдеги Вашингтон университетинде “RSEP” эл аралык коомдук илимдер изилдөөсүнө катышкан. Көптөгөн улуттук жана эл аралык макалаларынан жана эмгектеринен тышкары, ал китеп жана китеп бөлүмдөрүнөн тышкары жыйырмадан ашык аспиранттарга кеңеш берген. 2020-жылдын сентябрынан баштап Кыргыз-Түрк «Манас» университетинин Адабият факультетинин Билим берүү илимдер бөлүмүнүн психологиялык кеңеш берүү жана багыт берүү программасында иштей баштаган. 2022-жылы Кыргыз-Түрк “Манас” университетинин Үзгүлтүксүз билим берүү борборунун жетекчиси болуп дайындалган.

Ал 1981-жылы Баткен шаарында төрөлгөн. 2003-жылы Кыргыз-Түрк «Манас» университетинин финансы бөлүмүн аяктаган. 2007-жылы финансы факультетинде магистратура, 2011-жылы экономика факультетинде докторантурада аяктаган. 2014-жылдан бери Кыргызстан-Түрк «Манас» университетинин Экономикалык жана башкаруу факультетинин экономика бөлүмүндө ассистент болуп эмгектенип келет. 2017-2020-жылдары Кыргыз Республикасынын Салык инспекциясынын коомдук комиссиясынын мүчөсү, 2020-2022-жылдары Кыргыз Республикасынын Финансы министрлигинин коомдук комиссиясынын мүчөсү болуп иштеген. 01.07.2021 жана 31.08.2021 аралыгында Германиянын академиялык алмашуу кызматынын (DAAD) алкагында Берлиндеги Эл аралык коопсуздук жана өнүгүү борборунда тажрыйба топтогон. 2021-жылдан бери «Реформа» референттик жана талаа индекси журналында редактордун жардамчысы болуп иштейт.