01.04.24
“Өзбекстан-Кыргызстан” өнүктүрүү фонду (ӨКӨФ) Бишкекте кыска убакыттын ичинде жалпы суммасы 32 миллион доллардан ашык 17 долбоорду ийгиликтүү каржылап, өз ишмердүүлүгүн көрсөтүүдө. Бул тууралуу, борбор калаанын Ленин райондук администрациясы уюштурган тегерек столдо фонддун төрагасы Азиз Аалиев билдирди.
Көрүшмө учурунда Азиз Аалиев “Өзбекстан-Кыргызстан” өнүктүрүү фондунун ишмердүүлүгү тууралуу маалымат берип, катышуучулардын көңүлүн каржылоонун маанилүү аспектилерине, анын ичинде финансылык лизинг, инвестициялык кредиттөө жана долбоордук каржылоо механизми аркылуу каражаттарды алуу шарттарына бурду. Ошондой эле каржылоо үчүн керектүү документтер тууралуу кеңири маалымат берилип, фонд тарабынан арыздарды кароонун негизги этаптары талкууланды.
