23.01.23
Өзбекстандын Түркмөнстан менен тышкы соода жүгүртүүсү 2022-жылы 926,3 миллион долларды түзүп, өткөн жылдын ушул мезгилине салыштырмалуу 2,7 пайызга өскөн. Бул тууралуу Өзбекстандын Мамлекеттик статистика комитети билдирди.
Аталган мезгил ичинде, Өзбекстан 731,5 миллион долларга Түркмөнстандан товар импорттогон, бул 2021-жылдын ушул мезгилине салыштырмалуу 3 пайызга көптүк кылат. Ушул эле мезгилде, өлкөнүн Түркмөнстанга болгон экспорту 1,5 пайызга өсүп, 194,8 миллион долларды түздү. Түркмөнстан Өзбекстандын он ири соода өнөктөшүнүн бири болуп саналат.
Өзбекстандын жалпы тышкы соода жүгүртүүсү 2022-жылга карата 50 миллиард 8 миллион 400 миң доллардан ашты. Ал эми 2021-жылга салыштырмалуу 6,21 миллиард долларга же 18,6 пайызга көптүк кылат.
Ошондой эле Өзбекстан менен Россиянын ортосундагы тышкы сооданын көлөмү 9,27 миллиард доллардан ашып, импорт 6,21 миллиард доллар, экспорт 3,06 миллиард долларды түздү.
Көрсөтүлгөн мезгил ичинде, сооданын көлөмү боюнча Өзбекстандын башка негизги өнөктөштөрүнө Кытай (8,9 млрд доллардан ашык), Казакстан (4,6 млрд доллардан ашык), Түркия (3,2 млрд доллардан ашык), Түштүк Корея (2,3 млрд доллардан ашык), Кыргызстан (1 миллиард доллардан ашык), Германия (1,15 миллиард доллар), Афганистан (759,9 миллион доллар) жана Индия (690,5 миллион доллар) мамлекеттери кирет.
