29.03.2024
Өзбекстандын Экономика жана каржы министрлигинин жетекчилиги менен түркиялык “Gemetis” компаниясынын негиздөөчүсү Мустафа Эржан Озгур баштаган делегациянын жолугушуусу болду.
Жолугушууда зергерчилик тармагындагы кызматташуу маселелери жана Өзбекстанда бул тармакты өнүктүрүүнүн келечеги талкууланды. Компаниянын өкүлдөрү жергиликтүү зер буюмдарын өндүрүүчүлөргө кызыгып, бул багытта өзбекстандык компаниялары менен кызматташууну өнүктүрүү ниетин билдиришти.
Компания менен тажрыйба жана технологияларды алмашуу жергиликтүү өндүрүүчүлөргө зер буюмдардын сапатын жана түрлөрүн жакшыртууга мүмкүндүк берет жана Өзбекстандын зергердик рыногун чыңдоого жана кеңейтүүгө өбөлгө түзөт.
Жолугушуунун жыйынтыгында, тараптар зергерчилик тармагында өз ара пайдалуу кызматташууга жана тажрыйба алмашууга даяр экендиктерин билдиришти. Бул кызматташтык, Өзбекстандагы аталган тармакты өнүктүрүүгө жана бул багытта инвестиция тартууга кызмат кылат деп күтүлүүдө.
