29.03.24
Өзбекстандын Инвестиция, өнөр жай жана соода министри Лазиз Кудратов 29-мартта Азербайжандык “Greenstream International” компаниясынын негиздөөчүсү Рамин Шарифов менен жолугушту.
Жолугушуунун жүрүшүндө, Өзбекстанда өндүрүлгөн курулуш материалдары, текстиль жана электротехника, булгаары жана фармацевтика продукциялары, анын ичинде Өзбекстандын Азербайжандагы соода үйү аркылуу соода көлөмүн көбөйтүү перспективалары талкууланды.
“Greenstream International” 2018-жылы түзүлгөн жана өзүнүн кампалары жана автопарктары бар аймактык филиалдарына ээ ири өндүрүш жана соода компания болуп эсептелет. Бардык филиалдар жалпы башкаруу системасына туташтырылган жана соода түйүндөрүнө продукцияны өз убагында жеткирүү үчүн заманбап программалык камсыздоо менен жабдылган. Компания ошондой эле Өзбекстандын Азербайжандагы соода үйүнүн негиздөөчүлөрүнүн бири болуп саналат.
