04.05.24
Кабулда Түркмөнстандын министрлер кабинетине караштуу Транспорт жана коммуникациялар агенттигинин башкы директору Мамметхан Чакиев, Афганистандын Соода жана өнөр жай министри Нуриддин Азизи жана Казакстандын Вице-премьер-министри Серик Жумангариндин үч тараптуу жолугушуусу болду.
Тараптар биргелешкен транспорт коридорлорун өнүктүрүү жана афган-түркмөн чек арасындагы “Тургундиде” ири логистикалык борбор түзүү боюнча макулдашууларга жетишти, деп билдирет “Түркмөнарагатнашык” агенттиги.
Өлкөлөрдүн стратегиялык жайгашуусун эске алуу менен Афганистандын товарларынын экспортуна жеңилдетилген тарифтерди белгилөө, Афганистандан мрамор, акиташты жана башка пайдалуу кендерди ташууну көбөйтүү, ошондой эле үч мамлекеттин ортосундагы соода жана транзиттик макулдашууларды кеңейтүү маселелери каралды. Түркмөнстандан Афганистанга мунай жана жаратылыш газын жеткирүү пландалууда.
Афганистандын темир жол инфраструктурасын өнүктүрүүгө, афгандык экспорттук жана транзиттик жүктөрдү карантинге салуу маселелерине, транспорттук жана транзиттик чыгымдарды азайтууга, ошондой эле өз ара эсептешүүлөрдү жеңилдетүү үчүн банктык байланыштарды чыңдоо маселелерине өзгөчө көңүл бурулду.
Биргелешкен логистикалык борборду түзүү, жүк агымын оптималдаштырууга, бажы иштерини тездетүүгө жана региондогу өлкөлөр ортосундагы транзиттик ташуулардын натыйжалуулугун жогорулатууга мүмкүндүк берет.
